عمرك سالت نفسك الاسئلة دي:
معديين ع الجيران او رايحين بيت حد تاني بنشم ريحة غريبة بتبقي مميزة لكل بيت ؟
ليه مش بنشم ريحة بيوتنا مع اننا واحنا كدة
ليه مش بحس بضربات قلبي مع اني لو حطيت ايدي
عليهم هحسها عادي؟
ليه لما اروح اخد دش كدة في الشتا- اعوذ
بالله – والميا ساقعة بحس بلسعة الميا في الاول مع ان بعد كدة الاحساس دا بيخف
بمرور الوقت؟
واحنا صغيرين لما باباك يديك فلوس تروح تشتري
حاجة من المحل يقولك طبق علي الفلوس جامد ياض عشان متقعش منك تبص في ايدك
تتفاجي متلاقيش الفلوس يانهاري اللي مش
معدي؟!!
 |
وحاجات تانية كتير زي كدة بتحصل دايما في حياتنا
تعالا بقا اقولك تفسيرها ايه
زي ماحنا عارفين استجابتنا لاي حاجة بتحصل
لينا بيحكمها الاعصاب بتاعتنا يعني الشيء المثير stimulus
يجي من برة او جوة الجسم بيبقا ليه مستقبل receptor في الجسم بيمشي في مسار طويل
كدة لحد ما يوصل للمخ ودا بنسميه ال center
وكل حاجة ليها مركز مختلف عن التاني في المخ فالمخ بدوره يحدد نوع الاستجابة ويوصلها
للعضو اللي هيعمل الاستجابة دا . دا الطبيعي اللي المفروض يحصل بس بشرط انة
الشيء المثيير دا ميقعدش فترة طويلة .
بس لما يقعد فترة طويلة العصب بيحصله حاجة
اسمها تكيف او بالانجليزي adaptation
او التعود عارف الممثلة اللي بتقول
"متعوييدااا" اهو دا بقا .
ايه اللي حصل العصب معدش حاسس بالمثير اللي
جايله ودا سبب انك مبقتش شامم ريحة بيتك لانك غالبا موجود في البيت دا انما لو رحت
بيت حد تاني هتشم الريحة المميزة ليه وزيه بالظبط لما –لا قدر الله- يكون مريض قلب
تلاقيه بيحس بالخفقان اللي هوا خلاص بقا بيحس بضربات قلبه ليه ..؟ لان قوتها
ومعدلها اللي المخ واخد (متعود ) عليه اتغير فهو كمان بيغير الاستجابة دي .
تعليقات
إرسال تعليق